«ÁZIRET SULTAN» MEShITINDE DINI OQÝ-AFARTÝ BAǴYTY BOIYNShA JIYN ÓTTI (FOTO)

«Áziret Sultan» meshitinde Dinı oqý-aǵartý baǵyty boıynsha qala meshitteriniń jaýapty mamandarynyń qatysýymen jınalys ótti.

Jıyndy «Áziret Sultan» meshitiniń naıb ımamy, Dinı oqý-aǵartý baǵytynyń Astana qalasy boıynsha jetekshisi Mahmud Qasym júrgizdi.

Jınalystyń negizgi maqsaty – dinı oqý-aǵartý baǵyty aıasynda bekitilgen jumys josparyn talqylap, aldaǵy ýaqytta júzege asyrylatyn is-sharalardy júıeleý.

Kezdesý barysynda meshitterde ótkiziletin dinı dárister, jamaǵattyń dinı saýatyn arttyrý, jastarmen jumys júrgizý, sondaı-aq nasıhat jumystaryn jandandyrý máseleleri keńinen qarastyryldy. Sonymen qatar, dinı bilim berý isiniń sapasyn arttyrý jáne halyqqa durys dinı aqparat jetkizýdiń mańyzy aıtyldy.

Jınalys sońynda aldaǵy jumystar naqtylanyp, jaýapty mamandarǵa birqatar tapsyrmalar berildi.