«ÁZIRET SULTAN» MEShITINDE ISLAMDYQ QARJY BOIYNShA DÁRISTER TsIKLI BASTALDY

«Áziret Sultan» meshitinde «Islamdyq qarjy negizderi» atty saýat ashý kýrsynyń alǵashqy dárisi ótti. Dáristiń ashylýyna Astana qalasynyń Bas ımamy Nurbek qajy Áýeshanuly arnaıy qatysty.

Jıynda Bas ımam ıslamdyq qarjy salasyndaǵy bilimniń mańyzdylyǵyna toqtalyp, bastamanyń elorda jamaǵaty úshin paıdaly bolatynyn atap ótti. Sondaı-aq dárister tsıklin uıymdastyrýǵa muryndyq bolyp, qatysýshylarǵa arnaıy bilim berýge atsalysyp otyrǵan QMDB Islamdyq qarjy sektorynyń meńgerýshisi, PhD doktory Nurjan Jaqsylyqulyna alǵys bildirdi.

Dáris barysynda qatysýshylar ıslamdyq qarjynyń negizgi qaǵıdalarymen tanysyp, adal saýda jasaý talaptary, paıyzsyz qarjylandyrýdyń erekshelikteri týraly maǵlumat aldy. Sonymen qatar ıslamdyq bankterdiń jumys isteý tártibi, úı nemese kásip úshin qarjy tartýdyń sharıǵatqa saı joldary jáne qarajatty ıslam talaptaryna sáıkes ınvestıtsııalaý máseleleri túsindirildi.

Aıta keteıik, «Islamdyq qarjy negizderi» kýrsy aldaǵy ýaqytta dárister tsıkli retinde jalǵasady. Sabaqtar ár seısenbi kúni saǵat 11:00-de «Áziret Sultan» meshitinde tegin ótkiziledi. Kýrsqa elorda turǵyndary qatysa alady.