«ÁZIRET SULTAN» MEShITINDE «OTBASY – AMANAT» TAQYRYBYNDA DÓŃGELEK ÚSTEL ÓTTI

Astana qalasyndaǵy «Áziret Sultan» meshitinde QMDB-nyń «Dástúr jáne otbasy» baǵytynyń jyldyq jospary aıasynda «Otbasy – amanat» taqyrybynda dóńgelek ústel ótti.

Basqosýda meshittiń naıb ımamy Ábdýlahad Smanov otbasynyń qoǵam ómirindegi ornyna toqtalyp, erli-zaıyptylardyń ózara syılastyǵy, bala tárbıesi men shańyraqtaǵy jaýapkershilik týraly ýaǵyz-nasıhat aıtty. Sondaı-aq otbasyndaǵy tatýlyqty saqtaý, úlkenge qurmet, kishige izet kórsetý jáne urpaq tárbıesinde dinı ári ulttyq qundylyqtardy ushtastyrýdyń mańyzyna nazar aýdardy.

Jıyn barysynda qatysýshylar da óz oılaryn ortaǵa salyp, otbasy ınstıtýtyn nyǵaıtý, balaǵa ónegeli tárbıe berý jáne otbasyndaǵy ózara túsinistikti arttyrý jóninde pikir almasty.

Kezdesýdiń maqsaty – otbasy qundylyqtaryn dáripteý, shańyraq aldyndaǵy jaýapkershilikti tereń túsindirý jáne qoǵamda berekeli otbasy mádenıetin qalyptastyrý.

Источник: Aisha