«ÁZIRET SULTAN» MEShITINDE QAN TAPSYRÝ AKTsIIaSY ÓTTI (FOTO)

Búgin Astana qalasyndaǵy «Áziret Sultan» meshitinde Áıel-qyzdar sektorynyń uıytqy bolýymen qan tapsyrý aktsııasy ótti. Jylyna eki-úsh márte turaqty túrde ótkizilip kele jatqan qaıyrymdylyq sharasyna meshit qyzmetkerleri men shákirtteri, jamaǵat arasynan eriktiler belsene qatysyp, óz úlesterin qosty.

Qan tapsyrý aktsııasy bastala salysymen «Áziret Sultan» meshitiniń bas ımamy Erbolat Júsipov bastaǵan din qyzmetkerleri alǵashqy bolyp tirkelip, jamaǵatqa úlgi kórsetti. Meshit qyzmetkerleri men jamaǵat belsendiligine tánti bolǵan Respýblıkalyq Qan ortalyǵynyń mamandary óz rızashylyqtaryn bildirdi.