«ÁZIRET SULTAN» MEShITINDE QULShYLYQQA QADAM BASQAN JAMAǴATQA NAMAZ DÁRISI ÓTTI (FOTO)
«Áziret Sultan» meshitinde namaz oqýdy úırenip, qulshylyq jolyna endi ǵana qadam basyp jatqan jamaǵatqa arnalǵan namaz dáristeri ótkizildi.
Meshittiń naıb ımamy Mahmud Qasym jınalǵan jamaǵatqa namaz oqýdy jan-jaqty túsindiretin arnaıy kitapshalardy tarata otyryp, qulshylyqtyń negizgi tiregi sanalatyn namazdyń qadir-qasıeti men mańyzy týraly keńinen baıandady. Sonymen qatar, namazdyń syrtqy rásimderimen qatar, onyń rýhanı máni men adam ómirindegi ornyna toqtaldy.
Is-sharanyń maqsaty – jamaǵattyń dinı saýatyn arttyrý, namaz úırenýge nıet etken jandarǵa qoldaý kórsetý. Dáris arqyly jamaǵat músheleri namazdyń paryzdary men súnnetterin, dáret pen tazalyq úkimderin egjeı-tegjeıli meńgerip, óz suraqtaryna naqty jaýap aldy.
Источник: Aisha
