«ÁZIRET SULTAN» MEShITINDE QURAN SAIYSYNYŃ JEŃIMPAZDARY MARAPATTALDY (FOTO)

Qazaqstan musylmandary dinı basqarmasy janynan qurylǵan Quran sektory men Astana qalasy ókildiginiń uıymdastyrýymen erler men áıelder arasynda onlaın Quran saıysy ótip, jeńimpazdar marapattaldy.

Aıta ketsek, Quran sektory qurylǵan sátten bastap, tıisti tapsyrmalar negizinde onlaın Quran saıysy jarııalanǵan bolatyn. Saıys barysy qazylar alqasy tarapynan baqylanyp, mine, nátıjesi de aıqyndalyp otyr. Osyǵan oraı erler men áıelder arasyndaǵy qatysýshylar da irikteldi.

«Áziret Sultan» meshitinde ótken marapattaý rásiminde qulshylyq ordasynyń bas ımamy Erbolat Júsipov Ramazan Quran aıy ekenin, osy aıda oqylǵan Qurannyń árbir árpi úshin mol saýap jazylatynyn aıta kele, jeńimpazdardy quttyqtap ótti.

Kelesi sóz kezegin alǵan QMDB Quran sektorynyń meńgerýshisi, Respýblıkalyq bas meshittiń naıb ımamy Serik Ahmet qatysýshylarǵa rızashylyǵyn bildirip, aldaǵy ýaqytta osyndaı ıgi sharalar kóptep uıymdastyrylatynyn aıtty.

Jıyn sońynda qatysýshylar marapattalyp, baǵaly syılyqtar usynyldy.

Jeńimpazdar:

Erler arasynda:

1-Oryn - Abdýlla Sákenuly
2-Oryn - Aıdosuly Jaslan
3-Oryn - Joldybek Erbol

Áıelder arasynda:

1 oryn - Arapbek Ǵalııa
2 oryn - Bogatyreva Raıana 
3 oryn - Turǵyn Nuraısha

 

Источник: Aidos