«Áziret Sultan» meshitinde «Ramazan ortalyǵy» ashyldy (FOTO)

Búgin Nur-Cultan qalasyndaǵy respýblıkalyq «Áziret Sultan» meshitinde jamaǵatqa qasıetti Ramazan aıyna qatysty aqparat taratyp, artyqshylyǵy men qadir-qasıetin jete túsindirý maqsatynda «Ramazan ortalyǵy» óz jumysyn bastady. QMDB tóraǵasynyń birinshi orynbasary, naıb múftı Naýryzbaı qajy Taǵanulynyń bastamasymen iske qosylǵan ortalyq jumysy jamaǵattyń rızashylyǵyn týdyryp, nasıhat jumystaryn jandandyra tústi.

Jamaǵattyń orazaǵa oń nıetin oıatyp, yqylasyn arttyra túsý maqsatynda iske qosylǵan «Ramazan ortalyǵynda» orazanyń qaǵıdalary men erejelerin túsindiretin túrli búktemeler men aqparattyq paraqshalar, namaz jáne oraza kesteleri taratylatyn bolmaq. Sondaı-aq, jamaǵat suraqtaryna qazaq jáne orys tilderinde jaýap beretin arnaıy qyzmetkerler bekitilip, Ramazan aıynyń alǵashqy on kúni boıy jumys jasaıtyn bolady.

Aıta keteıik, budan bólek Ramazan aıy boıy «Áziret Sultan» meshitindegi Call Ortalyq qyzmetkerleri orazaǵa qatysty barlyq saýaldarǵa jaýap beretin bolady: 8 (7172) 33 30 30.