«ÁZIRET SULTAN» MEShITINDE «RAMAZAN – QURAN AIY» SAIYSY ÓTTI

Astana qalasy ókildiginiń Dinı oqý-aǵartý baǵyty Quran sektorynyń uıymdastyrýymen «Ramazan – Quran aıy» taqyrybynda shákirtteraralyq Quran saıysy ótti.

«Áziret Sultan» meshitinde ótken bul bastama Qazaqstan musylmandary dinı basqarmasy tarapynan Ramazan aıynda Quranǵa erekshe mán berý jónindegi tapsyrma aıasynda júzege asyryldy.

Is-sharany meshittiń naıb ımamy, Astana qalasy ókildigi boıynsha Dinı oqý-aǵartý baǵytynyń jetekshisi Mahmud Qasym júrgizdi. Saıys barysynda qatysýshylar aldyn ala daıyndalǵan bıletterdi tańdaý arqyly minberge shyǵyp bilimderin ortaǵa saldy.

Ádilqazylar alqasynyń quramynda meshittiń naıb ımamy Muratbek Qystaýbaev, ustaz Raqymqazy Qabdysalym jáne Astana qalasy Quran sektorynyń jetekshisi Ersaıyn Qabylqanuly boldy.

Saıys qorytyndysynda jeńimpazdar anyqtalyp, olardy Astana qalasynyń Bas ımamy Erbolat Júsipov arnaıy marapattady.