«ÁZIRET SULTAN» MEShITINDE TRANSPLANTATsIIa ÚKIMI TÝRALY IMAMDARDYŃ BILIKTILIGIN JETILDIRÝGE ARNALǴAN PÁTÝA SEMINARY ÓTTI (FOTO)
«Áziret Sultan» meshitinde qala ımamdary men ustazdardyń qatysýymen transplantatsııa úkimi týraly ımamdardyń biliktiligin jetildirýge arnalǵan pátýa semınary ótti.
Bul semınardy «Áziret Sultan» meshitiniń naıb ımamy, Astana qalasy boıynsha pátýa isteri boıynsha jaýapty maman Temirlan Ibraev júrgizip, sharıǵattaǵy pátýa berýdiń jaýapkershiligine toqtaldy. Sondaı-aq, qazirgi tańdaǵy ózekti másele transplantatsııa úkimi boıynsha pátýa berýdiń zamanaýı máselelerin aıtyp, onyń dindegi jaýapkershiligin erekshe atap ótti.
«Quranda Alla Taǵala «Sóz joq. Biz Adam balalaryn ardaqtadyq. Qurlyqta, teńizde alyp júrdik, tátti taǵamdarmen qamtamasyz ettik. Jan bitkenniń kóbinen olardy ústem ettik», - deıdi. Sondyqtan, Islam adam táni men ómirine zııan tıgizbeýge úndeıdi. Adamnyń densaýlyǵyna zııan keltiretin nárselerden alys bolýǵa shaqyrady. Haramǵa, zulymdyqqa alyp baratyn isterge jolamaýdy buıyrady. Sonymen qatar, aýyrǵan sátte emdelý joldaryn izdeýdi mindetteıdi», - deıdi Temirlan Ibraev.
Semınarǵa qatysýshylar Astana qalasy boıynsha pátýa isteri boıynsha jaýapty mamanǵa keleli máseleler boıynsha týyndaǵan suraqtaryn qoıyp, tolyq jaýaptar aldy. Semınar paıdaly jaqtarymen este qaldy.
Derekkóz: muslim.kz
