«ÁZIRET SULTAN» MEShITINDE JAS ÁKELERGE «ÁKE – OTBASYNYŃ TIREGI» SEMINARY ÓTTI (FOTO)
Astana qalasy ókildigi «Áziret Sultan» meshitiniń uıymdastyrýymen jamaǵatqa «Áke – otbasynyń tiregi» taqyrybynda semınar ótti.
Jıynnyń maqsaty – áke rólin qoǵamdaǵy mańyzdy tulǵa retinde dáripteý, otbasyndaǵy jaýapkershilikti arttyrý jáne urpaq tárbıesindegi ákeniń orny men mańyzyn túsindirý.
Ýaǵyz formatynda ótken semınardy «Áziret Sultan» meshitiniń naıb ımamy, Phd Abdýlahad Smanov júrgizdi. Ol óz ýaǵyzynda ákeniń otbasy aldyndaǵy jaýapkershiligi, balanyń tárbıesindegi róli, ıslamdaǵy áke beınesi týraly keńinen toqtaldy. Sonymen qatar, qazirgi qoǵamdaǵy áke men bala arasyndaǵy qarym-qatynastyń mańyzdylyǵy, ákeniń rýhanı jetekshi retindegi mindetteri týraly da sóz qozǵady.
Bul kezdesý qatysýshylarǵa otbasy qundylyqtaryn tereńirek túsinýge, áke rólin joǵary baǵalaýǵa jáne urpaq tárbıesine jaýapkershilikpen qaraýǵa yqpalyn tıgizedi.
