«Áziret Sultan» meshitindegi dinı saýat ashý kýrsyna 600 shákirt jazyldy (FOTO)

22 qyrkúıek 2018 7800 0
Оqý rejımi

Astana qalasyndaǵy respýblıkalyq «Áziret Sultan» ashylǵaly beri oqý-aǵartý salasy boıynsha sapaly nátıje kórsetip, shákirt tárbıeleý jóninen kósh bastap keledi. Búgingi tańda elimizdiń Bas meshitinen jyl saıyn 500-den astam shákirt dinı saýatyn ashyp, musylmansha hat tanyp shyǵady. Bilikti ustazdar men ımamdardyń qajyrly eńbegi arqasynda «Áziret Sultan» meshitindegi bilim berý júıesi búginde ábden qalyptasyp, tipti eki deńgeıli oqý satysy engizilgen.

Kúz bastalysymen ótinish bildirgen yntaly jandardy top-topqa bólip, irikteý jumystary júrgizilgen bolatyn. Aı sońyna sabaq kestesi de bekitilip, Bas meshittegi saýat ashý jumystary bastalyp ta ketti. Aıta keteıik, bıylǵy jyly respýblıkalyq «Áziret Sultan» meshitiniń dinı saýat ashý kýrsyna jalpy sany 586 shákirt qabyldanyp otyr. Onyń 325-i er shákirtter bolsa, 261-i – aqjaýlyqtylar.  

Meshit qabyrǵasynda shákirtter tek arabsha hat tanyp qana qoımaı, «Úkim aıattarynyń tápsiri», «Aqıda sabaqtary», «Sahabalar tarıhy», «Quran qıssalary», «Islam ádepteri», «Fıqh», «Hadıs sabaqtary» boıynsha dáris alyp, dinı bilim deńgeılerin arttyra túsetin bolady. Sondaı-aq, shákirtter qaýymy úshin ár aptanyń sońynda «jeksenbilik ýaǵyzdar» júrgizilip turady. Buǵan qosa, bir úıdiń balasyndaı birlik tanytyp, dostyq sezimderi nyǵaıa túsýi úshin sporttyq sharalar uıymdastyryp turý da qolǵa alynǵan.

Qurmetti, shákirtter! Bilim jolyndaǵy izdenisterińiz jemisti bolǵaı!

 

 

 

Pіkіrler Kіrý