«ÁZIRET SULTAN» MEShITINIŃ ÁIEL JAMAǴATY ARASYNDA «AQ BATA» SAIYSY ÓTTI (FOTO)
Astana qalasy ókildigine qarasty «Áziret Sultan» meshitinde áıel jamaǵaty, ıaǵnı aq jaýlyqty ájeler arasynda dástúrli «Aq bata» saıysy uıymdastyryldy.
Astana qalasynyń Bas ımamy Erbolat Júsipovtiń qoldaýymen jáne Áıel-qyzdar sektorynyń jetekshisi Kúlsara Mamyrqyzynyń uıymdastyrýymen ótken saıysqa «Áziret Sultan» meshitiniń belsendi áıel jamaǵaty qatysty. Analarymyz sahna tórinde ulttyq salt-dástúrdi dáriptep, júrekjardy tilekter men maǵynaly batalaryn kópshilikke jetkizdi.
Saıys barysynda qatysýshylar bata aıtý mádenıetin ónermen ushtastyryp, ár batanyń tárbıelik jáne rýhanı mańyzyn aıshyqtap kórsetti. Jurtshylyq aldynda analarymyzdyń sheshendigi, nıet tazalyǵy men ulttyq bolmysty saqtaýǵa degen yntasy erekshe baıqaldy.
Saıysqa «Áziret Sultan» meshitiniń «Ájeler mektebi» klýbynyń múshelerinen quralǵan arnaıy ádil qazylar alqasy tórelik etti. Ádil qazylar qatysýshylardyń oryndaý máneri men mazmun tereńdigine baǵa berip, úzdik dep tanylǵan batagóı qarııalardy anyqtady.
Saıys sońynda belsendi qatysýshylarǵa marapattar men syı-sııapattar tabystalyp, uıymdastyrýshylar analarǵa rızashylyqtaryn bildirdi. Osyndaı rýhanı jáne tárbıelik máni zor sharalardyń aldaǵy ýaqytta da dástúrli túrde jalǵasatyny aıtyldy.
Источник: Aidos
