«Áziret Sultan» meshitiniń ustazy Qostanaı óńirinde kezdesýler ótkizdi (FOTO)
Qazaqstan musylmandary dinı basqarmasynyń Respýblıkalyq aqparattyq-nasıhat tobynyń múshesi, Nur-sultan qalasyndaǵy «Áziret Sultan» meshitiniń ustazy Dinmuhammed Smanov Qostanaı óńirinde bolyp, birneshe kezdesýler ótkizdi.
Ol, Qostanaı qalasyndaǵy ÝK 161/2 qatań rejımdegi túzetý mekemesindegi jazasyn óteýshilermen, QR IIM – Sh. Qabylbaev atyndaǵy Qostanaı akademııasynyń kýrsanttarymen jáne Qostanaı qalasyndaǵy Indýstrıaldy jáne qurylys kolledjderiniń stýdentterimen júzdesti.
Ol jastarǵa teris aǵymnyń quryǵynan saq bolýlaryn aıta kele, ulttyq qundylyqtarymyzdy baǵalaýǵa jáne dástúrli dinimizdi tereń meńgerýge shaqyrdy.
Elimizde ǵalamtor jelisindegi ruqsat etilgen Dinı basqarmanyń saıttarynan málimet alýǵa úndedi. Keshki aqsham namazynan keıin qalalyq meshitte «Jánnatqa aparatyn amaldar» jaıynda ýaǵyz aıtyp, qoıylǵan suraqtarǵa tushymdy jaýap berdi.
Kelesi juma kúni óńirdegi Jant ókilderimen qoǵamdaǵy jat pıǵyldy aǵymdarmen qalaı jumys isteý kerektigi jaıly talqylady. Sonymen birge Qostanaı oblystyq «Aımaǵanbet qajy Spanuly» meshitinde juma ýaǵyzyn júrgizdi.
«Qazaqstan-Qostanaı» telearnasyna «Bala tárbıesi» jaıly suhbat berdi. Sondaı-aq UQK Shekara qyzmeti Óńirlik basqarmasynyń qyzmetkerlerimen kezdesip, eldiń tynyshtyǵyn qorǵap otyrǵan áskerılerdiń jumysyn erekshe iltıpatpen atap ótti.
