«ÁZIRET SULTAN» MEShITINIŃ UJYMY ULTTYQ OIYNDARDAN SAIYSTY (FOTO)
Astana qalasynyń Bas ımamy Erbolat Júsipovtiń bastamasymen «Áziret Sultan» meshitiniń din qyzmetkerleri tabıǵat aıasynda bas qosyp, «Din men dástúr» baǵyty boıynsha uıymdastyrylǵan ulttyq oıyndar saıysyna qatysty.
Basqosýda ımamdar kókpar tartyp, asyq atyp, sadaq atýdan synǵa tústi. Ulttyq sport túrlerin jańǵyrtýdy kózdegen jarys tartysty ótti. Jeńimpazdarǵa aqshalaı júldeler tabys etilip, qatysýshylar da syı-sııapattan qur qalmady.
Shara sońynda jaıylǵan dastarhan basynda din qyzmetkerleri áńgime órbitip, oı-pikir almasty. Bul kezdesýdiń maqsaty – ujymnyń aýyzbirshiligin nyǵaıtyp qana qoımaı, halqymyzdyń dástúrli qundylyqtaryn dáripteý boldy.
Aıta ketsek, Qazaqstan musylmandary dinı basqarmasy janynda «Din men dástúr» bólimi jumys isteıdi. Onyń mindeti – ata-babadan qalǵan asyl dástúrdi Islam qundylyqtarymen sabaqtastyryp, qoǵamǵa ónegeli oı salý. Osy baǵytta túrli ıgi bastamalar qolǵa alynyp, salt-sanany saqtaýǵa yqpal etip keledi.
