«ÁZIRET SULTAN» MEShITTIŃ ÁIEL JAMAǴATY MEN ShÁKIRTTERINIŃ BASQOSÝY (FOTO)

«Áziret Sultan» meshitiniń qalyptasqan jaqsy dástúri boıynsha áıel-qyzdar jamaǵaty aı saıyn  hosh ıisti, tátti shaı formatynda beıresmı  kezdesýi ótkizedi.

Osy jeksembilik kezdesýde meshit ustazy Elmıra Serikbaıqyzy, Zarına Shamıdýllaqyzy, Qulsara Beket, Nurgúl Álıhanqyzy, Muhlıs Saıdýlaqyzy, Ásem Abdýllqyzy jáne Tatıana Syshenko áıel jamaǵattyń meıirimdilik pen ózara túsinistik, bereke-birligin  arttyrý maqsatynda barlyq shákirtterin jınady.

Nurgúl ustazben Zarına ustaz olarǵa dostyq, qurmet, baýyrlastyq týraly tushymdy áńgimeler aıtsa, aryqaraı ustaz Mýhlısa, Tatıana jáne Ásem óz shákirtterin saýapty da ıgi isterge, belsendilikke tartý maqsatynda «Inabat» áıelder klýbynyń bólimderi, olardyń maqsaty, buryn-sońdy atqarǵan saýapty is-sharalarymen tanystyrdy. Óıtkeni meshit tek bilim alý orny ǵana emes.

Jamaǵat vıktorınaǵa qatysyp, shaı iship, bir-birimen tanysyp, «Áziret Sultan» meshitiniń shákirtteriniń qatarynda bolý múmkindigine ıe bolǵanyna  qýandy.

Aıta keteıik, «Inabat» áıelder klýby 2017 jyly resmı túrde ashylǵan jáne bul klýbtyń «Qaıyrymdylyq bólimi», «Bilim bólimi», «Mádenıet jáne dástúrler bólimi», «Sport bólimi» jáne «Ájeler mektebi» atty bólimderi bar.