«ÁZIRET SULTAN»: RAMAZAN AIYNDA QURAN HATYM ETILIP, DUǴA JASALDY (FOTO)

Quran sektorynyń Astana qalasy ókildigi boıynsha jetekshisi Ersaıyn Qabylqanulynyń qatysýymen «Áziret Sultan» meshitinde Quran hatym etilip, duǵa jasaldy.   

Ramazan aıynyń qurmetine jasalyp jatqan ıgi is-shara barysynda qasıetti Quran tolyq oqylyp, el tynyshtyǵy, jurt amandyǵy men birligi úshin duǵa-tilek jasaldy.

Quran oqý musylman úshin eń saýapty ári júrekti nurlandyratyn ǵıbadattardyń biri. Ásirese Ramazan aıynda qasıetti Quranǵa degen yqylas artyp, árbir árpine eselengen saýap jazylady. Óıtkeni bul aı Quran túsken aı, meıirim men keshirim aıy. Sondyqtan Ramazanda Quran oqyp, ony tyńdap, maǵynasyna tereń úńilý – pendeniń rýhanı dárejesin kóterip, júregine tynyshtyq pen bereke syılaıdy.