BAKÝDE TÚRKI-ISLAM MURASYNA ARNALǴAN HALYQARALYQ KONFERENTsIIa ÓTTI (FOTO)
Ázirbaıjan astanasy Bakýde Múftıler keńesiniń úshinshi otyrysy aıasynda «Túrki-ıslam murasynyń baılyǵy jáne onyń qazirgi zamannyń ózekti máseleleri turǵysynan mańyzy» atty halyqaralyq konferentsııa ótti.
Aıtýly jıynǵa Túrki Memleketteri uıymy Múftıler Keńesiniń músheleri, ǵalymdar qatysty. Konferentsııanyń kirispe sózin Allashúkir Pashe-Zade bastap, jıynnyń mańyzyna toqtaldy. Halyqaralyq jıynǵa Qazaqstan tarapynan QMDB Ǵulamalar keńesiniń múshesi, M.Áýezov atyndaǵy Ádebıet jáne óner ınstıtýty bas dırektorynyń orynbasary Tóráli Qydyr qatysty. Ǵalym sóz baıandamasynda túrkilik ıslamı ádebıet taqyrybyn tereńnen qozǵady.
«Birneshe ǵasyrlar úlesinde jatqan túrki halyqtarynyń ádebıet tarıhyn ǵalymdar, negizinen, eki topqa bólip qarastyrady. Belgili ǵalym Fýat Kóprúlú, túrkolog Alessıo Bombachı túrki jazba ádebıetin «Islamnan aldyńǵy jáne ıslamnyn keıingi kezeń» dep ekige bólip qarastyrǵan. Sondaı-aq, bıyl 125 jyldyǵy keńinen toılanyp jatqan Muhtar Áýezov te osy pikirdi qýattaǵan.
Ǵalymdardyń ádebıetti dáýirleýde Islammen baılanystyryp qaraýynda úlken mán bar. Sebebi, sońǵy dindi qabyldaý arqyly túrki halyqtary burynǵy senimin ǵana aýystyryp qoıǵan joq, sonymen qatar, ózderiniń bolashaq mádenıeti men ádebıetine de jańa ózgerister alyp keldi. Islam dinimen birge túrkilik ádebıette jańa baǵyt, tyń serpilis paıda boldy» dedi Tóráli Qydyr.
Jıynda Ázerbaıjan, Túrikmenstan, Ózbekstan, Túrkııadan kelgen túrli ǵalymdar baıandama jasap, túrki-ıslam murasy jaıly óz taqyryptaryna arqaý etti. Aıta keteıik búgingi konferentsııaǵa QMDB atynan delegatsııa qatysty.
