BALA TÁRBIESI JAILY SENBILIK SEMINAR ÓTTI (FOTO)

«Áziret Sultan» meshitinde meshittiń ustazy Nurgúl Álıhanqyzynyń qatysýmen  ár senbi saıyn ótizilip turatyn senbilik semınar ótti.

Qatysýshylar qyzyǵýshylyqpen tyńdaǵan bul basqosýda osy joly bala tárbıesi jaıly ýaǵyz aıtyldy. Onyń ishinde ata-ananyń balaǵa degen jumsaqtyǵy, olardyń balaǵa jaqsy úlgi bola bilýi, balalar arasynda ádiletti bolý jaǵyna asa mán berilýi kerektigi týraly sóz qozǵaldy. 

«Ata-anasymen baılanysty bilý, seziný – balaǵa ata-ana mahabbatyn, qamqorlyǵyn sezinýge múmkindik beredi. Osyǵan balany sendirý kerek. Ata-ananyń kıim kııý, sóıleý mádenıetiniń joǵary bolýy, ózgege degen iltıpaty, úı ishindegi tazalyq pen tártip, sypaıy minez, meıirimdilik, balaǵa degen súıispenshilik tárbıe barysynda óziniń oń nátıjesin bereri anyq. Balanyń úıde kórgeni, ata-anasynan, jaqyn týystarynan estigeni – ol úshin tárbıeniń eń úlkeni. Osy tusta súrinbeý úshin ata-ananyń minez-qulqynyń, izetti qasıetteriniń, jalpy mádenı dárejesiniń deńgeıi óte joǵary bolýy kerek», - dep atap ótti Nurgúl Álıhanqyzy. 

Qatysýshylardyń suraqtaryna meshit ustazy jeke-jeke jaýap berdi. 

Derekkóz: muslim.kz

Источник: Aidos