Balalar úıinde sporttyq saıys uıymdastyryldy (FOTO)

Astana qalasyndaǵy Balalar úıiniń tárbıelenýshileri úshin keshegi jeksenbi qyzyqqa toly ótti. Seıfýllın kóshesinde ornalasqan ortalyqtaǵy búldirshinderdiń demalys kúnin dýmanǵa aınaldyrýdy kózdegen respýblıkalyq «Áziret Sultan» meshitiniń «Inabat» qyzdar klýby arnaıy zııarat etip, birqatar sharalar uıymdastyryp qaıtty.

Igi sharaǵa óz úlesterin qosqan Astana qalasy Din problemalaryn zertteý ortalyǵynyń qyzmetkerleri bul kúni bastaýysh synyp oqýshylaryna arnap psıhologııalyq trenıng ótkizip, búldirshinderge sabaq júrgizdi. Al, 5-8 synyp oqýshylaryna sport oıyndarynan Estafetalyq saıys uıymdastyrylyp, «Inabat» klýbynyń múshelerimen birge jarysty. Joǵary synypta oqıtyn jasóspirimder voleıbol oınap, ózara jeńimpaz topty anyqtaýǵa tyrysty. Aıta keteıik, saıys sońynan barlyq qatysýshylar men jeńimpaz toptarǵa arnaıy kýboktar tabys etilip, baǵaly syılyqtarmen marapattaldy.

Nebir qyzyqty sátter oryn alǵan sport saıystarynan soń arnaıy dastarhan jaıylyp, meshit jastary Balalar úıiniń tárbıelenýshilerimen etene aralasyp, til tabysýyna taǵy bir múmkindik oryn aldy. Tátti taǵamdarmen birge «Inabat» klýby jastarynyń meıirim-shýaǵyna kóńil toıdyrǵan búldirshinder úshin bul kúnniń uzaq este saqtalary sózsiz. Búldirshinderge estelik bolsyn degen nıetpen taratylǵan arnaıy fýtbolkalar men bloknottar, qalam-qaryndash, albom sekildi syılyqtardyń da bul kúndi uzaq umyttyrmaı, janǵa jylý syılap júretin bolmaq.

Sýretterdi «FOTOGALEREIa»  aıdarynan kóre alasyzdar!