BAS IMAM «ÁL-ǴANI» MEShITINDE JUMA ÝAǴYZYN AITTY

Astana qalasynyń bas ımamy Nurbek qajy Áýeshanuly elordadaǵy «Ál-Ǵanı» meshitinde juma ýaǵyzyn aıtty. «Amanatqa adaldyq – ımannyń bir bóligi» taqyrybyna arnalǵan nasıhatta bas ımam amanat uǵymynyń mán-mańyzyna toqtalyp, musylman balasynyń Alla aldyndaǵy, otbasy men qoǵam aldyndaǵy jaýapkershiligi jaıynda sóz qozǵady.

Nurbek qajy Áýeshanuly amanatqa adaldyq adamnyń ımany men kórkem mineziniń aıqyn kórinisi ekenin atap ótti. Sondaı-aq amanat uǵymy tek senip tapsyrylǵan dúnıe-múlikti saqtaýmen shektelmeıtinin, oǵan adamnyń ar-namysy, ózgeniń quqyǵy, otbasy tárbıesi, qyzmettik mindeti men senip aıtylǵan syr da jatatynyn jetkizdi.

Ýaǵyz barysynda Quran aıattary men hadıster negizinde amanatty saqtaý, ýádege beriktik tanytý jáne ózgeniń aqysyna qııanat jasamaýdyń mańyzy túsindirildi. Bas ımam ata-ana úshin perzent tárbıesi, ustaz úshin shákirt bilimi, basshy úshin el ıgiligi, al árbir musylman úshin ózine júktelgen mindet pen jaýapkershilik amanat ekenin atap ótti.

Juma ýaǵyzynan keıin Nurbek qajy Áýeshanuly jamaǵatpen birge juma namazyn oqyp, el tynyshtyǵy men berekesi úshin duǵa jasaldy.