BAS IMAM «ÁZIRET SULTAN» MEShITINDE TARAÝYQ NAMAZYN ÓTKIZETIN QARILARǴA SÁTTILIK TILEDI (FOTO)
Búgin QMDB Astana qalasynyń ókili, «Áziret Sultan» meshitiniń bas ımamy Erbolat Júsipov qulshylyq ordasynda otyz kún boıy jamaǵatpen taraýyq namazyn ótkizetin qarılarmen júzdesip, olarǵa sáttilik tiledi.
Aıta ketsek, Ramazan aıynda «Áziret Sultan» meshitinde 4 qarı taraýyq namazyn kezek-kezek ótkizetin bolady. Jamaǵatty namazǵa uıytyp, Quran Kárimniń qasıetti aıattarymen sýsyndatar qarılarymyz týraly málimet bere ketsek:
- Sadyrhanov Jumanazar qarı
«Áziret Sultan» meshitiniń naıb ımamy. Elimizdegi alǵashqy qarılardyń biri. «Nur-Múbarak» ýnıversıtetiniń magıstri, elimizdegi kóptegen qarılardyń ustazy.
- Doktor Iasır Ahmad Assýtýhı
Mysyr eliniń týmasy. «Ál-Azhar» ýnıversıtetiniń «Quran tápsiri» jáne «Qyraǵat» bóliminiń ustazy, «Syǵanaqı» ınstıtýtynyń ustazy, Qurannyń 10 qyraǵatynan ıjazaly, mýjız qarı.
- Muratov Temirjan qarı
Kókshetaý qalasynyń týmasy. «Nur-Múbarak» ýnıversıtetiniń túlegi (bakalavr), 2012 j. Iranda ótken álemdik Quran jarysynda elimizdiń namysyn qorǵaǵan, 2023j. HII Respýblıkalyq Quran jarysyna tórelik etken, «Asym» qyraǵaty «Hafs» rıýáıatynan ıdjaza alǵan qarı.
- Rysbek Ádilet qarı
Shymkent qalasynyń týmasy. Iran, Saýd Arabııasy syndy shet memleketterde ótken álemdik Quran jarystarynda elimizdiń namysyn qorǵaǵan. IX Respýblıkalyq Quran jarysynda «Mánerlep oqý» nomınatsııasynda júldeger atanǵan. Túrkııa, Saýd Arabııasy jáne otandyq telearnalarynda Quran oqý mártebesine ıe bolǵan. «Asym» qyraǵatynyń «Hafs» jáne «Shýǵbá» rıýáıattarynan ıdjaza alǵan qarı.
Источник: Aidos
