BAS IMAM «MUNARA» TELEARNASYNA SUHBAT BERDI

Astana qalasynyń Bas ımamy Nurbek qajy Áýeshanuly «Munara» telearnasyndaǵy «Rýhanııat Time» podkast jobasyna suhbat berdi.

«Islam jáne adal qoǵam» jyly aıasynda uıymdastyrylǵan áńgimege telejúrgizýshi, telearnanyń Astana qalasy ókildigi boıynsha tilshisi Erkin Shákiruly men «Áziret Sultan» meshitiniń naıb ımamy Qondybaı Aqparov ta qatysty.

«Adal qoǵam qalaı qalyptasady?» taqyrybynda órbigen suhbatta adaldyq pen ádildik, amanatqa beriktik, adal eńbek pen taza tabys máseleleri keńinen qozǵaldy. Bas ımam rýhanı qundylyqtardy jas urpaqtyń boıyna sińirý, ár adamnyń óz isine jaýapkershilikpen qaraýy men shynshyldyqty ómirlik ustanymǵa aınaldyrýdyń mańyzyna toqtaldy.

Sonymen qatar áńgime barysynda as berý mádenıeti, toı ótkizý ádebi jáne «Taza Qazaqstan» aktsııasynyń tárbıelik máni sóz boldy.

Suhbattyń tolyq nusqasyn jaqyn kúnderi «Munara» telearnasy men «Áziret Sultan» meshitiniń YouTube arnasynan tamashalaı alasyzdar.

Источник: Aisha