Bas ımam ózine berilgen qajylyq joldamasyn meshit tazalyqshysyna usyndy

«Sádýaqas qajy Ǵylmanı» meshitiniń bas ımamy ózine berilgen kishi qajylyq joldamasyn meshit tazalyqshysyna tartý etti.

Meshit jamaǵaty ala jazdaı qulshylyq ordasynda júrgizilgen keńeıtý, qaıta jóndeý, árleý jumystaryna rızashylyǵyn bildirip, kúrdeli jumysqa bastamashy bolǵan bas ımam Rýslan Baızaqovqa umra qajylyqqa joldama tartý etti.

Bas ımam qasıetti juma kúni ózine tartý etilgen syılyqta qabyl alyp, jamaǵatqa rızashylyǵyn bildire otyryp, kishi qajylyq joldamasyn meshit tazalyqshysyna usyndy.

Esterińizge sala keteıik, Rýslan Baızaqov bas ımam bolyp taǵaıyndalǵannan keıin meshit tazalyqshylaryn kezek-kezegimen, demeýshi azamattardyń qoldaýymen kishi qajylyqqa jibergen bolatyn. Búgin joldama syılaǵan qyzmetker buryn kishi qajylyqqa barmaǵan edi. Onyń da sáti túsip, Alla násip aılady.

Bul ıgi iske sebep bolǵan árbir aǵaıynǵa azamattyq alǵys bildiremiz.

Derekkóz: sunna.kz