Bas meshit ımamy qalalyq semınarǵa qatysty (FOTO)

Astana qalasyndaǵy respýblıkalyq «Áziret Sultan» meshitiniń naıb ımamy Baqytjan Ótkelbaev «Dinı senim bostandyǵy men dinı Ekstremızmniń aldyn alýda adam quqyǵynyń áleýmettik, psıhologııalyq aspektilerin júzege asyrý» jónindegi qalalyq semınarǵa qatysyp qaıtty. «Astana daryny» daryndylyqty damytý jáne psıhologııalyq súıemeldeý ortalyǵynyń uıymdastyrýymen ótken semınar jumysyna Elordamyzdaǵy bilim berý mekemeleriniń dırektorlary jáne tárbıe isi jónindegi orynbasarlary qatysyp, kóptegen jaıtqa qanyǵyp qaıtty.

Semınarǵa qatysýshylarǵa Baqytjan Ótkelbaev qazirgi ýaqytta jastar arasynda jaıylyp bara jatqan destrýktıvti aǵymdardan saqtandyrý máseleleri jaıynda maǵlumat berip, birqatar mańyzdy aqparattarmen bólisti. «Astana daryny» ortalyǵynyń ǵylymı keńesshisi Aleksandr Teslenkonyń júrgizýimen ótken semınar barysynda Astana qalasy Bilim basqarmasy Tárbıe isi jónindegi bólimniń bas mamany jáne ákimdigi Dintaný ortalyǵyndaǵy ońaltý bóliminiń qyzmetkerleri de arnaıy baıandama jasap, dinı teris aǵym qurbandaryna kómek kórsetý ádisterimen bólisti.