Bas meshit qyzmetkerleri zaǵıp jandarǵa Máýlit merekesin uıymdastyrdy (FOTO)

Ardaqty Alla elshisi (s.ǵ.s.) týylǵan aıdyń qurmetine oraı búgin Astana qalasyndaǵy respýblıkalyq «Áziret Sultan» meshiti Zaǵıptar kitaphanasynda Máýlit merekesin uıymdastyryp, ortalyqtaǵy zaǵıp jandarǵa iltıpat tanytty. QMDB tóraǵasynyń birinshi orynbasary, respýblıkalyq «Áziret Sultan» meshitiniń bas ımamy Naýryzbaı qajy Taǵanulynyń bastamasymen uıymdastyrylǵan ulyq mereke aıasynda osy ortalyqtaǵy zaǵıp shákirtterge syılyqtar úlestirilip, este qalarlyq erekshe meıram uıymdastyryldy. «Áziret Sultan» meshitiniń naıb ımamy Qýat Erǵalıuly qulshylyq ordasy atynan quttyqtaý lebizin bildirip, Máýlit merekesiniń mán-mańyzy jaıynda jetkizdi.

Esterińizde bolsa, Astana qalasyndaǵy Zaǵıptar kitaphanasynda alty jyldan beri Braıl júıesi boıynsha aldymen shákirtterin oqyp úırenýge baýlyp, keıinnen tájýıd sabaqtaryn ótkizip kele jatqan Baqytjamal  Káribaıqyzynyń ustazdyq erligi men eren eńbegi jaıynda portal betinde buǵan deıin de birneshe márte jazǵan bolatynbyz. Kózderi kórmese de, kókirekteri saırap turǵan 20-dan astam shákirtteriniń kez kelgeni qasıetti Quran Kárimdi sýdyratyp oqyp, aınalasyndaǵylarǵa ımandylyq nuryn taratyp júrgeni de saıtymyzdyń oqyrmandaryna burynnan belgili bolsa kerek.

Aq qaǵaz betindegi arnaıy tesikter arqyly oqyp úırenip, Quran tájýıdin meńgergen Zaǵıptar ortalyǵynyń shákirtteri 2016 jyly arnaıy emtıhan tapsyryp, respýblıkalyq «Áziret Sultan» meshitiniń Dinı saýat ashý kýrsynyń I dárejeli sertıfıkattary tabystalǵan bolatyn. Ortalyq ashylǵaly beri qamqorlyq kórsetip kele jatqan «Áziret Sultan» meshiti bul joly da zaǵıp jandardyń janynan tabyldy. Janarynan aıyrylsa da, jigerleri muqalmaǵan aǵa-ápkelerin Máýlit merekesimen quttyqtaýǵa «Astana» medrese kolledjiniń shákirtteri arnaıy kelip, Paıǵambarymyzǵa (s.ǵ.s.) salaýat jyryn oryndap qaıtty.

Sýretterdi «FOTOGALEREIa» aıdarynan kóre alasyzdar!