Bas meshit shákirtteri arasynda voleıbol týrnıri ótti (FOTO)

25 qarasha 2018 6363 0
Оqý rejımi

Búgin Astana qalasyndaǵy respýblıkalyq «Áziret Sultan» meshitiniń shákirtteri arasynda voleıbol týrnıri ótti. Qazirgi tańda 600-den astam shákirtke bilim alyp jatqan «Áziret Sultan» meshitiniń dinı saýat ashý kýrsyndaǵy tálimger arasyndaǵy týrnır jalpy sany 10 komanda qatysyp, ózara saıysqa tústi. Ár ımam men ustazdyń tobynan jasaqtalǵan saıdyń tasyndaı jigitter arasyndaǵy sporttyq saıys jankúıer jamaǵattyń yqtyq yqylasyna bólenip, salaýatty ómir saltyn ustanýdyń jarqyn úlgisin kórsetti.

Jyl saıyn turaqty túrde ótkizilip kele jatqan Bas meshit shákirtteri arasyndaǵy dúbirli dodaǵa jankúıerlik tanytyp, qoldaý kórsetýge QMDB naıb múftıi Alaý Ádilbaev, Astana qalasy ákimdiginiń Din problemalaryn zertteý ortalyǵynyń basshysy Dolıev Japal, Qoǵamdyq damý ister basqarmasynyń bas mamany Ádilet Tóleýtaev jáne Bokstan álem jáne Azııa chempıony Mereı Aqshalovtar qatysyp, óz qurmetterin tanytty. Júzden júırik shyǵyp, týrnır jeńimpazy atanǵan komandalarǵa júlde tabystaý rásimine qatysyp, izgi tilekterin jetkizdi.

Elimizdiń Ánurany asqaqtap, shákirtter boıynda otansúıgishtik sezimdi oıatyp bastalǵan tartysty týrnır qatysýshylaryna naıb múftı Alaý Ádilbaev óz tilegin bildirip, sharıǵatymyzda salaýatty ómir saltyn ustanyp, sportpen shúǵyldanýdyń mańyzdylyǵy jaıynda aıtyp ótti.

Meshit shákirtteriniń sporttyq sheberlikterin synǵa salǵan voleıbol týrnıriniń qorytyndysy boıynsha júldeli I-oryn ustaz Aıbek Qyryqbaevtyń tobynan jasaqtalǵan «Dostyq» tobyna berildi. Al, ustaz Dinmuhammed Smanov shákirtterinen quralǵan «Jalyn» komandasy II-orynǵa turaqtady. «Áziret Sultan» meshitiniń orys tildi shákirtterinen quralǵan Maqsatbek Qaıyrǵalıev ustazdyń «Muslim.kz» komandasy III-oryndy ıelendi. Júldeger komandalardyń barlyǵy arnaıy «Alǵys hatpen» marapattalyp, aqshalaı syılyqqa qol jetkizdi.

Pіkіrler Kіrý