Bas meshit shákirtterine sertıfıkat tabystaldy (FOTO)

03 mamyr 2019 5871 0
Оqý rejımi

Búgin Nur-Sultan qalasyndaǵy respýblıkalyq «Áziret Sultan» meshitindegi Dinı saýat ashý kýrsynyń 2018-19 jyldarǵa arnalǵan oqý baǵdarlamasy támamdalyp, shákirtterge Sertıfıkat tabystaý rásimi bolyp ótti. Qasıetti juma kúnine tuspa-tus kelgen saltanatty sharaǵa QMDB tóraǵasynyń birinshi orynbasary, naıb múftı, «Áziret Sultan» meshitiniń Bas ımamy Naýryzbaı qajy Taǵanuly ózi qatysyp, shákirtterge izgi tilegin bildirdi. Bas meshittegi shákirtter sanynyń jyl sanap kóbeıip kele jatqanyn tilge tıek naıb múftı osy oraıda meshit ımamdary men ustazdarynyń eńbegi eresen ekenin de atap ótti. Osyǵan oraı sertıfıkat tabystaý rásiminiń alǵashqy sharasy «Áziret Sultan» meshitiniń ımamdary men ustazdaryn «Alǵys hatpen» marapattaýdan bastaldy.

Aıta keteıik, bıylǵy jyly «Áziret Sultan» meshitindegi Dinı saýat ashý kýrsyn 424 shákirt támamdap otyr. Olardyń 169-y er shákirtter bolsa, 255-i áıel shákirtter. Shákirtterdiń meshittegi dinı saýat ashý kýrsyna bıylǵy oqý jylynda kelip qosylǵandaryna beriletin I dárejeli oqý sertıfıkatyna 304 shákirtter ıe bolsa, jalǵastyrý tobyndaǵy 120 shákirtke II dárejeli sertıfıkat tabys etildi.

Qyrkúıek aıynan bastap mamyrdyń sońyna deıin júrgiziletin oqý baǵdarlamasy aıasynda olar Quran álippesin meńgerip, aqıda, fıqh, qulshylyq salalary boıynsha qosymsha bilim alyp shyqty. Budan bólek oqý jyly boıy olardyń bilimderin arttyra túsý maqsatynda arnaıy ýaǵyzdar uıymdastyrylyp keledi. Sondaı-aq, shákirtter arasyndaǵy birlikti bekemdep, baýyrlastyqty kúsheıtý maqsatynda Nur-Sultan ókildigi boıynsha birneshe márte sporttyq saıystar, Quran jarystary, bilim olımpıadalary ótkizilgen bolatyn.

Sýretterdi «FOTOGALEREIa» aıdarynan kóre alasyzdar!

 

Pіkіrler Kіrý