Bas meshitte Aqsaqaldar keńesiniń májilisi ótti (FOTO+VIDEO)

16 qańtar 2020 5801 0
Оqý rejımi

Búgin respýblıkalyq «Áziret Sultan» meshitinde Nur-Sultan qalasy ókildiginiń Aqsaqaldar keńesiniń kezekti májilisi bolyp ótti. Qaladaǵy qulshylyq ordalarynyń jamaǵatynan quralǵan aqsaqaldar alqasy qashanda meshitter jaǵdaıymen jiti tanysyp, ózderiniń tájirıbelerimen bólisip, aqyl-keńesterin aıtyp keledi.

Tabaldyryǵymyzdan endi attaǵan 2020 jylǵy jospar bekitilip, aldaǵy atqarylar jumystar júıelenip jatqan tusta arnaıy ótkizilgen májilis barysynda birqatar máseleler talqylanyp, kópshiliktiń usynysy tyńdaldy. Alqaly jıynǵa tóraǵalyq etken Birinshi naıb múftı, Nur-Sultan qalasynyń bas ımamy Naýryzbaı qajy Taǵanuly búgingi basqosýdyń mán-mańyzyna toqtalyp, aqsaqaldarǵa alǵysyn bildirdi.

Basqosý barysynda Nur-Sultan qalasy ókildiginiń byltyrǵy jyly atqarǵan is-sharalar esebi kórsetilip, Bas shahardyń dinı ahýaly jaıly sóz qozǵaldy. Sondaı-aq, jaqynda ótken III Respýblıkalyq Imamdar forýmynda qabyldanǵan «Rýhanı jeti qazyq» qujaty da tanystyrylyp ótti. Sonaý toqsanynshy jyly 12-qańtarda óz aldyna enshisin alyp, jeke Dinı basqarma bolyp qurylǵan QMDB qyzmetine 30 jyl tolýyna oraı bıylǵy atqarylar «30 ıgi shara» jobasy da aqsaqaldardyń nazaryna usynyldy.

QMDB tóraǵasynyń birinshi orynbasary, naıb múftı Naýryzbaı qajy Taǵanulynyń bastamasymen osydan tórt jyl buryn óz jumysyn bastaǵan Aqsaqaldar keńesiniń búginde qatary kóbeıip, qoldaýy kúsheıip keledi. Elimizge belgili akademık Ǵarıfolla Esim, ǵalym Dıhan Qamzabekuly (issaparda bolýyna baılanysty kele almady), kásibı jýrnalıst Kenjebolat Joldybaı, Respýblıkalyq Ardagerler keńesi tóraǵasynyń orynbasary Ómirzaq Ozǵanbaıuly, IIM ardagerler keńesiniń tóraǵasy Ómirzaq Bolsambekov, Astana qalalyq ardagerler keńesiniń múshesi Amangeldi Syzdyqov sekildi keńestiń turaqty múshelerine búgin arnaıy «Alǵys hat» tabystalyp, syılyqtar tartý etildi.

Sýretterdi «FOTOGALEREIa» aıdarynan kóre alasyzdar!

 

Pіkіrler Kіrý