Bas meshitte balalar qýanyshqa bólendi (FOTO)
QMDB janyndaǵy Respýblıkalyq bas meshitte áleýmettik jaǵdaıy tómen otbasylardy qoldaý maqsatynda qaıyrymdylyq sharasy ótti.
Elordada kún erte sýytatyndyqtan bul joly muqtaj otbasylardyń balalaryna jyly kıimder berildi. Qanat Qydyrmın bastaǵan meshit ımamdary jomart jandardyń demeýshiligimen elordalyq 84 oqýshyny qýanyshqa bólep ári záýlim ǵımarat tynysymen tanystyrdy.
Sáýleti kelisken álemdegi eń úlken meshitterdiń birine qonaq bolǵan balalar rııasyz rızashylyǵyn bildirip, meshittiń tómengi qabatynda ornalasqan ashanadan alǵashqylardyń biri bolyp dám tatty. Dastarqan basynda erekshe kóńil-kúıge bólengen balalar óleń oqysa, ata-analary izgi nıetin jetkizip, meshit ımamdary men barsha demeýshi azamattarǵa alǵysyn bildirdi.
