Bas meshitte Elordanyń belsendi jastaryna aýyzashar berildi (FOTO+VIDEO)

Nur-Sultan qalasyndaǵy respýblıkalyq «Áziret Sultan» meshitiniń «Berekeli Ramazan» arnaıy dastarhanyna bul joly Elordamyzdaǵy belsendi jastar qaýymy shaqyryldy. Qasıetti Ramazan aıynyń sońǵy dastarhanynda Jastar alıansi, «Astana jastary» jastar resýrstyq ortalyǵy, Nur-Sultan ókildiginiń «Rýhanı jastar» uıymynyń eriktileri men qalamyzdaǵy túrli volonterlik uıym ókilderi bas qosyp, birlik pen berekege toly otyrys ótkizdi.

Eldiń erteńi atanǵan jastar qaýymyn «Áziret Sultan» meshitiniń birinshi naıb ımamy Marat Bektazınov ózi qarsy alyp, birlik pen yntymaqtyń arqasynda úlken ister atqaryp, qoǵam arasynda qaıyrymdylyq sharalaryna úles qosyp júrgen jandarǵa qurmet kórsetti. Adam ómiriniń eń mańyzdy kezeńi jastyq shaqtyń qadir-qasıeti jaıynda ǵıbratty ýaǵyz aıtyp, asyl ýaqytty baǵalaı bilýge úndedi.

Berekeli dastarhan basynda túrli uıym ókilderi de óz lebizderin bildirip, meshit basshylyǵyna búgingi aýyzashar úshin, qulshylyq ordasyndaǵy jastar úshin jasalyp kele jatqan jalyp sharalar úshin óz alǵystaryn jetkizdi. Aýyzashar sońynda qurmetti qonaqtarǵa qulshylyq ordasy atynan rýhanı baılyq – kitaptar salynǵan syılyq sómkeleri úlestirildi.

Sýretterdi «FOTOGALEREIa»  aıdarynan kóre alasyzdar!