BAS MEShITTE QMDB USTAZDARY DÁRIS BEREDI (FOTO)
QMDB Tóraǵasy, Bas múftı Naýryzbaı qajy Taǵanulynyń bastamasymen Dinı basqarmanyń qyzmetkerleri, ustazdary men ǵalymdary Respýblıkalyq Bas meshitte ýaǵyz-nasıhat jumystaryn júrgizedi.
Atap aıtar bolsaq, osy aptada QMDB Sharıǵat jáne pátýa bóliminiń mamandary Baýyrjan Abdýalıev «Ihsan ilimi» (25 tamyz), Medet Qursaqov «Islam ǵıbadaty» (26 tamyz) jáne «Zeket jáne qaıyrymdylyq» qorynyń sarapshysy Maqsatbek Qaıyrǵalıev orys tilinde «Ozarennye serdtsa» (28 tamyz) taqyrybynda ýaǵyz-nasıhat aıtady.
Sondaı-aq QMDB Tóraǵasy, Bas múftı Naýryzbaı qajy Taǵanuly «Tápsir tunyǵy», naıb múftıler Ershat qajy Ońǵar «Paıǵambarlar tarıhy», Sansyzbaı qajy Qurbanuly «Alla Taǵalanyń kórkem esimderi», Dinı bilim jáne kadr daıarlaý bóliminiń meńgerýshisi Smaıyl Seıitbek «Islam tarıhy», Ýaǵyz-nasıhat bóliminiń meńgerýshisi Batyrjan Mansurov «Hadıs taǵylymy», Dinı ońaltý bóliminiń meńgerýshisi Hasan Amanqul «Iman negizderi» taqyryptarynda ýaǵyz-nasıhat jumystaryn júrgizedi.
Ýaǵyzdar qyrkúıek aıynyń sońyna deıin jalǵasady.
