Bas meshittegi aýyzashar dastarhanyna dárigerler shaqyryldy (FOTO)

Qasıetti Ramazan aıynyń qurmetine oraı bastalǵan Bas meshittegi aýyzashar dastarhanyna keshe Elordamyzdaǵy dárigerler qaýymy shaqyryldy. QMDB tóraǵasynyń birinshi orynbasary, respýblıkalyq «Áziret Sultan» meshitiniń bas ımamy Naýryzbaı qajy Taǵanulynyń bastamasymen bıylǵy jyly Bas meshittegi aýyzashar dastarhanyna kún saıyn Astana qalasyndaǵy túrli qoǵamdyq uıymdar (zaǵıptar, qulaǵy estimeıtinder, múgedek jandar, t.b.) músheleri jáne ustazdar, dárigerler, tártip saqshylary arnaıy shaqyrylyp, berekeli dastarhan qonaǵy bolyp keledi.

Keshe osy bastama aıasynda Bas meshittegi aýyzashar dastarhanyna Elordamyzdaǵy aýrýhanalarda halyqqa qaltqysyz qyzmet etip kele jatqan aq halatty abzal jandar qatysyp, jamaǵatpen birge aýyz ashyp qaıtty. Berekeli dastarhan basynda dárigerler qaýymyna respýblıkalyq «Áziret Sultan» meshitiniń naıb ımamy Qanat Qydyrmın ýaǵyz júrgizip, aılardyń sultany bolǵan Ramazan jaıynda mańyzdy maǵlumatqa qanyqtyra tústi.