Bas meshittegi «Berekeli Ramazan» dastarhanyna arnaıy qonaqtar shaqyryldy (FOTO)

Respýblıkalyq «Áziret Sultan» meshitindegi aýyzashar dastarhany búgin arnaıy qonaqtarmen tolyǵa tústi. QMDB tóraǵasynyń birinshi orynbasary, naıb múftı, «Áziret Sultan» meshitiniń bas ımamy Naýryzbaı qajy Taǵanulynyń bastamasymen búginnen bastap Bas meshittegi aýyzashar dastarhanyna Eloradamyzdaǵy túrli qoǵamdyq (zaǵıptar, múgedekter, t.b.) uıymdar músheleri men memlekettik qyzmet kórsetý mekemeleriniń jumysshylary shaqyrylyp otyratyn bolady.

Esterińizge sala keteıik, bıylǵy jyldan jyldan bastap «Áziret Sultan» meshitindegi tegin aýyzashar dastarhanynyń aýqymy keńeıip, kún saıyn 800 janǵa arnalyp jaıylyp kele jatyr. Búgin solardyń qataryna Elordamyzdaǵy qulaǵy estimeıtinder uıymynyń 50-ge jýyq músheleri shaqyrylyp, qurmetti qonaq boldy. Sondaı-aq, «Berekeli Ramazan» dastarhanynan Astana qalasy ákimdiginiń Din problemalaryn zertteý ortalyǵynyń qyzmetkerleri de dám tatyp, saýapty otyrysqa qatysty.

Arnaıy shaqyrylǵan qonaqtarǵa respýblıkalyq «Áziret Sultan» meshitiniń ustazy Farhat Isauly ýaǵyz aıtyp, keshtiń taǵylymdy ótýine úlken septigin tıgizdi. Arnaıy aýdarmashy arqyly tárjimalanǵan ýaǵyz jıylǵan qonaqtarǵa rýhanı áser qaldyryp, rızashylyqtaryn týdyrdy.

Aıta keteıik, búgingi kúnnen bastaý ıgi shara Ramazan aıy aıaqtalǵansha jalǵasatyn bolady. Aldaǵy ýaqytta Bas meshittegi «Berekeli Ramazan» dastarhanyna basqa da qoǵamdyq uıym ókilderi, tártip saqshylary men dárigerler, ustazdar qaýymy shaqyrylyp otyrady.