Bas meshittegi qoljazbalar men sırek kitaptar kórmesi aıaqtaldy (FOTO)

Osydan bir aı buryn Nur-Sultan qalasyndaǵy respýblıkalyq «Áziret Sultan» meshitinde ashylǵan sırek kitaptar men qoljazba eńbekter kórmesi búgin óz jumysyn aıaqtady. QR MSM Qoljazbalar jáne sırek kitaptar Ulttyq Ortalyǵynyń qoldaýymen ótken kórme aıasynda arnaıy jasaqtalǵan sórelerge 20-dan astam qoljazba eńbekter men qundy eńbekter qoıylyp, jamaǵatqa tanystyrý jumystary ótkizilip turǵan bolatyn. Condaı-aq, kórme sórelerine meshit qyzmetkerleri jınaqtaǵan Quran kitabynyń túrli nusqalary da jamaǵat nazaryna usynyldy.

Kórme sórelerine qoıylǵan sonaý Ál-Farabı babamyzdan bastap 850-ge jýyq ǵulamalardyń ómirbaıany qamtylǵan «Ýafııat ál-Aıan» syndy qundy kitaptar, Islam dinine qatysty túrli eńbekter men kitaptar, VII ǵasyrǵa tıesili Quran kitabynyń kóshirmesi kelýshiler nazaryn erekshe aýdaryp, qyzyǵýshylyqtaryn týǵyzdy.

Osy oraıda Qoljazba jáne sırek kitaptar Ulttyq ortalyǵynyń ǵylymı qyzmetkeri Imanǵalıev Almas pen «Áziret Sultan» meshitiniń naıb ımamy Ádilhan Imanáliuly kúndelikti kelýshilerge kórme jumystaryn tanystyryp, sırek eńbekter boıynsha maǵlumat berip otyrdy.