Bas meshittiń bala shákirtteri «Urtoqpaq» qoıylymyn tamashalady (FOTO)

Nur-Sultan qalasyndaǵy respýblıkalyq «Áziret Sultan» meshitindegi «Imanı jaz – 2022» jazǵy saýat ashý kýrsynyń bala shákirtteri búgin QMDB ǵımaratynda qonaqta bolyp, Dinı basqarmanyń kontsert zalynda arnaıy sahnalyq qoıylym tamashalady.

Nur-Sultan qalasyndaǵy «Jastar teatry» akterleri usynǵan «Urtoqpaq» balalar spektakli jas kórermenderdiń kóńilinen shyǵyp, erekshe sezimge bólenip qaıtty. Qoıylym sońynan bala shákirtter oryndarynan tik turyp, teatr ujymyna óz rızashylyqtaryn bildirdi. Sondaı-aq, balalar úshin arnaıy kelip, qýanyshqa bólegeni úshin «Jastar teatryna» meshit ujymy atynan alǵys aıtty. 

Osylaısha, «Áziret Sultan» meshitindegi jazǵy saýat ashý kýrsynyń shákirtteri búgin teatr mádenıetimen tanysyp, tanym kókjıekterin keńeıte tústi. Aıta keteıik, elimizdiń Bas meshitinde «Imanı jaz – 2022» jazǵy saýat ashý kýrsyna bıylǵy jyly 500-den astam shákirt qabyldanǵan bolatyn. Arnaıy bekitilgen kýrs sabaqtarynan bólek, bala shákirtter úshin osyndaı mádenı sharalar, sporttyq oıyndar, tanymdyq saıahattar uıymdastyrylyp keledi.

Sýretterdi «FOTOGALEREIa» aıdarynan kóre alasyzdar!