BAS MÚFTI 595-PÁTERDIŃ KILTIN TABYSTADY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qyzylorda oblysyna barǵan saparynda 595-páterdiń kiltin tabystady.
QMDB «Zeket jáne qaıyrymdylyq» qorynyń «El úlesi – páterge» jobasy aıasynda berilgen baspana jas ımamǵa buıyrdy.
Bas múftı Qyzylorda oblysy Qazaly aýdany Sháken aýyldyq «Álmuhammed» meshitiniń ımamy Júsip Izbasarǵa páter kiltin tabystap, dinı saladaǵy qyzmetine bereke tiledi.
«Dinı basqarma jas dinı mamandarǵa qoldaý kórsetip keledi. «Jas kelse – iske» degen qanatty sóz bar. Mine, búginde jas ımamdarymyz oblystyq, respýblıkalyq deńgeıdegi izgi is-sharalarǵa uıytqy bolýda. Osyndaı belsendi ımamdarǵa qoldaý kórsetip, olardyń áleýmettik máselesin sheshýge atsalysqan barsha jomart jandarǵa aıryqsha alǵysymdy jetkizemin. Alla razy bolsyn!» dedi Naýryzbaı qajy Taǵanuly.
