BAS MÚFTI 715-BASPANA KILTIN TABYS ETTI (FOTO)

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly «Zeket jáne qaıyrymdylyq» qorynyń «El úlesi – páterge» jobasy aıasynda eki jyl buryn Aqmola oblysy Shortandy aýdanynda úıi órtenip qara jamylǵan shańyraqtyń artynda qalǵan 4 balasyna elordadan eki bólmeli páter kiltin tabys etti.

Eki jyl buryn gaz ballony jarylyp, úsh adam kóz jumǵan oqys oqıǵa kezinde uly men kelininen aıyrylǵan Suraýhan ata men Áınesh áje kóńil aıta kelgen Bas múftıge ótinish bildirip, artynda qalǵan balalaryna baspana alyp berýin suraǵan edi. Órtten qaza tapqan otbasyǵa arnaıy jylý jınalyp, demeýshilerdiń kómegimen sý jańa páter berildi. Qýanyshqa ortaqtasqan QMDB Tóraǵasy Naýryzbaı qajy Taǵanuly jańa baspanamen quttyqtap, izgi nıetin jetkizdi.

«Qazaqta ornynda bar ońalar degen danalyq sóz bar. Qaıǵyny bólisseń azaıady. Eki jyl buryn Shortandydaǵy shańyraqta bolyp ózderińizben júzdesip edik. Búgin berilgen ýádemizdi oryndaıyq, bir jaǵy balalardy qýantaıyq dep osyndaı jańa baspana kiltin berip otyrmyz. Alla Taǵala osy shańyraqqa qýanysh syılap, sábılerdiń endigi ómiri jaqsylyqqa toly bolsyn» dep Bas múftı batasyn berdi.

Shańyraqtyń úlkeni Suraýhan ata óz kezeginde qýanyshyn jasyrmaı jaqsylyqqa sebep bolǵan barsha azamattarǵa alǵysyn bildirdi.

Aıta keteıik, «Zeket jáne qaıyrymdylyq» qorynyń «El úlesi – páterge» jobasy boıynsha jyl boıy 91, al jalpy 715 baspana tartý etildi.

​Derekkóz: QMDB Baspasóz qyzmeti