Bas múftı Ábdijámil Nurpeıisovtiń týystaryna kóńil aıtty (FOTO)
Qazaq ádebıetiniń klassıgi, Memlekettik syılyqtyń ıegeri, Qazaqstannyń Eńbek Eri Ábdijámil Nurpeıisov dúnıeden ozdy. Qaıǵyly qazaǵa baılanysty QMDB Tóraǵasy Naýryzbaı qajy Taǵanuly marqumnyń týystaryna kóńil aıtty.
«Ábdijámil Nurpeıisovtiń qazasy qazaq ádebıeti úshin orny tolmas qaıǵy boldy. Barsha qazaq jurtyna, qalamger qaýymǵa, jazýshynyń oqyrmandaryna, aǵaıyn-týysy men otbasyna qaıǵyra kóńil aıtamyn.
Ábdijámil aǵamyz qazaq prozasyn bıik beleske kóterdi. Qazaq ádebıetine ólsheýsiz úles qosty. «Qan men ter», «Sońǵy paryz» sekildi shyǵarmalary arqyly tek qazaq jurtyna ǵana emes, adamzatqa ortaq qundylyqtardy dáriptedi. Onyń shyǵarmalary qazaq rýhanııatyn tolyqtyryp, baǵa jetpes muraǵa aınaldy.
Ábdijámil aǵamyzdyń taǵylymdy shyǵarmalary men taǵdyrly ómir joly barshamyzǵa úlgi-ónege, baǵyt-baǵdar bolary anyq. Alla Taǵala qalamger aǵamyzdyń janyn jánnattan etkeı! Otbasy men urpaqtaryna Alladan kórkem sabyr tileımin!» delingen kóńil aıtý jedelhatynda.
