BAS MÚFTI ALBANIIa PREZIDENTINE BAS MEShITTI TANYSTYRDY (FOTO)

Albanııa Respýblıkasynyń Prezıdenti Baıram Begaı elimizge jasaǵan memlekettik sapary barysynda Astanadaǵy Respýblıkalyq bas meshitti arnaıy aralap kórdi. Záýlim meshitti mártebeli meımanǵa Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly tanystyrdy.

Qasıetti juma kúni Bas meshitke arnaıy kelgen Baıram Begaı álemdegi eń úlken on meshittiń qataryna kiretin záýlim ǵımaratqa tańdanysyn bildirdi. Óz kezeginde Bas múftı Naýryzbaı qajy Taǵanuly Baıram Begaı myrzaǵa iltıpat bildirip, tarıhta Albanııa Prezıdentiniń Qazaqstanǵa jasaǵan tuńǵysh saparynda meshitke arnaıy bas suǵýy musylmandar úshin mártebe ekenin jetkizdi. Sondaı-aq Albanııa Prezıdenti Bas múftıge qonaqjaı qurmeti úshin alǵysyn bildire kele:

«Meshit – meıirimdilik mekeni. Álemde qanshama qaqtyǵystar, soǵys bolyp jatsa da, Islam dini jahandy beıbitshilikke, yntymaqqa shaqyrady. Al meshitterimiz – birlik pen tatýlyqtyń sımvoly sanalady» dedi.

Eske sala keteıik, Albanııa – Balqan túbeginde ornalasqan shaǵyn ǵana memleket. Halqynyń teń jartysynan kóbi Islam dinin ustanady.

​