BAS MÚFTI ALǴYS AITÝ KÚNIMEN QUTTYQTADY

Naýryzbaı qajy TAǴANULY,

Qazaqstan musylmandary dinı basqarmasynyń tóraǵasy, Bas múftı

Qurmetti otandastar!

Sizderdi búgingi alǵys aıtý kúnimen shyn júrekten quttyqtaımyn. Ár otbasyǵa qut-bereke, baqyt pen tabys tileımin.
Ardaqty Paıǵambarymyz Muhammed (oǵan Allanyń salaýaty men sálemi bolsyn): «Adamǵa alǵys aıta almaǵan, Allaǵa shúkir ete almaıdy», – degen.

Bizdi joqtan bar etken Allaǵa sansyz shúkirler bolsyn! Ulanǵaıyr jerimizdi qorǵap, bizge amanat etip qaldyrǵan babalarymyzǵa, meıirimin tógip, mápelep ósirgen ata-anamyzǵa, qamqor bolǵan aǵaıyn-týysqa alǵys aıtamyn.

Hadısterdiń birinde: «Kim senderge jaqsylyq jasasa, oǵan syılyq berińder. Eger berer syılyq tappasańdar, ol úshin duǵa jasańdar» delingen. Osy rette barsha qaýymdy aınaladaǵy adamdarǵa, janashyr jandarǵa alǵys bildirip, olar úshin duǵa jasaýǵa úndeımin.

Alla Taǵala halqymyzǵa amandyq, jerimizge tynyshtyq násip etkeı. Ámın!