BAS MÚFTI ALMATYDA MÁÝLIT KEShINDE NASIHAT AITTY (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almatydaǵy Respýblıka saraıynda ótken Máýlit keshine qatysyp, jamaǵatqa ýaǵyz aıtty.
«Máýlit – paıǵambarlardyń sardary Muhammedtiń (oǵan Allanyń salaýaty men sálemi bolsyn) dúnıege kelgen, álemdi nurǵa toltyrǵan Qudaı Taǵalanyń meıirim-rahymyn molynan jaýdyrǵan tarıhı kún. Ózderińiz jaqsy bilesizder, Paıǵambarǵa salaýat aıtqan adam sansyz saýapqa keneledi. Paıǵambarymyz (oǵan Allanyń salaýaty men sálemi bolsyn): «Kim maǵan bir salaýat aıtsa, Alla Taǵala oǵan on salaýat aıtady» degen. Biz bul hadısten sansyz saýapqa kenelý úshin kóbirek salaýat aıtý qajettigin túsinemiz», – dedi Naýryzbaı qajy Taǵanuly.
Sonymen qatar Bas múftı rýhanı keshke jınalǵan jamaǵatqa asyl dinimizdegi adal eńbek etýdiń mańyzy jaıly atap ótip, Paıǵambarymyzdyń (oǵan Allanyń salaýaty men sálemi bolsyn) mańdaı termen nápaqa tabýǵa jigerlendiretin qasıetti hadısterin mysal etti.
Ǵıbratty keshte Allaǵa madaq, Paıǵambarǵa salaýat aıtylyp, máýlit jyry oqyldy. Sonymen qatar ǵıbratty sahnalyq kórinister qoıylyp, jyr-termeler oryndaldy.
Kesh sońynda Bas múftı rýhanı is-sharanyń ótýine demeýshilik jasaǵan belgili metsenat Baharadın Ablazımovty «Qazaqstan musylmandary dinı basqarmasyna 30 jyl» merekelik medalmen marapattady. Sonymen qatar bıletten túsken qarajatty kómekke muqtaj azamattarǵa tabystady. Sondaı-aq merekelik baǵdarlamaǵa úles qosqan belgili jyrshy Jáken Omarovqa, «Óner qyrandary» men «HasSak» ujymyna alǵys hatyn tabystap, rızashylyq nıetin jetkizdi.
