Bas múftı almatylyq din qyzmetkerlerin marapattady (FOTO)
Búgin Bas múftı Naýryzbaı qajy Taǵanuly QMDB-nyń Almatydaǵy ǵımaratynda din qyzmetkerlerimen júzdesti.
QMDB Tóraǵasy Táýelsizdik jyldarynda Dinı basqarmanyń atqarǵan eleýli is-sharalary jaıynda baıandaı kele, din qyzmetkerlerin el egemendiginiń 30 jyldyǵymen quttyqtady.
Sondaı-aq Bas múftı uzaq jyl boıy asyl dinimizdiń mereıin asyrýǵa atsalysyp kele jatqan bir top almatylyq din qyzmetkerlerin alǵys hatpen marapattap, Táýelsizdik kúnine oraı arnaıy daıyndalǵan kádesyılar tabystady.
Aıta keteıik, Bas múftıdiń alǵys hatyna naıb múftı Kenjeáli Qońyratbaıuly, Bas múftıdiń keńesshisi Muhammed-Hýsaın Alsabekov, «Iman» jýrnalynyń bas redaktory Ońǵar Ómirbek, «Munara TV» arnasynyń dırektory Nurjan Talasuly jáne t.b ıe boldy.
