Bas múftı Altaı respýblıkasynyń múftıimen kezdesti (FOTO)
Bas múftı Naýryzbaı qajy Taǵanuly Reseı Federatsııasy Altaı Respýblıkasy musylmandary dinı basqarmasynyń múftıi, Reseı Azııa bóligi musylmandary dinı basqarmasynyń tóraǵasy Janbolat Oqtaýbaevpen kezdesti.
Mártebeli meıman Altaı Respýblıkasyndaǵy qazaq ımamdarǵa qoldaý kórsetip kele jatqan Qazaqstan musylmandary dinı basqarmasynyń ujymyna alǵysyn bildirdi. Bas múftı Naýryzbaı qajy Taǵanuly Dinı basqarma tarapynan qoldaý jumystary jalǵasa beretinin atap ótti.
«Biz óz múmkindigimizdiń aıasynda shet eldegi qazaq ımamdaryna kómek kórsetýge árqashan daıynbyz», – dedi Naýryzbaı qajy Taǵanuly.
Kezdesý sońynda QMDB Tóraǵasy Naýryzbaı qajy Taǵanuly Janbolat Oqtaýbaevtyń ótinishi boıynsha Altaı Respýblıkasyndaǵy qazaq ımamdaryna qyzmettik shapan, Dinı basqarmadan shyqqan kitaptar men gazet-jýrnaldy jetkizip beretinin atap ótti. Óz kezeginde Janbolat Oqtaýbaev Bas múftıge rızashylyq nıetin bildirip, izgi tilegin jetkizdi.
