BAS MÚFTI AMERIKADAǴY QAZAQSTAN ELShISIMEN KEZDESTI
Búgin Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Amerıka Qurama Shtattaryna resmı saparyn AQSh-taǵy Qazaqstan Respýblıkasynyń Elshisi Maǵjan Janbotauly Ilııasov myrzamen kezdesýden bastady.
Kezdesý barysynda taraptar sheteldegi qazaq dıasporasymen rýhanı baılanysty nyǵaıtý, dinı saýattylyqty arttyrý, sondaı-aq rýhanı-mádenı dıplomatııa baǵytyndaǵy ózara yqpaldastyq máselelerin talqylady. Bas múftı elshilik tarapynan sapardy uıymdastyrýǵa kórsetilgen qoldaý úshin alǵys bildirdi.
Bas múftı hazret óz sózinde:
«Qazirgi jahandaný jaǵdaıynda memleketterdiń ózara qarym-qatynasy tek saıası jáne Ekonomıkalyq baılanystarmen shektelmeı, rýhanı-mádenı dıplomatııa arqyly da tereńdeı túsýde. Bul baǵytta bizdiń el dúnıejúzi deńgeıinde Álemdik jáne dástúrli dinder sezin turaqty túrde ótkizip, búkil adamzatty dinı tatýlyq pen ortaq maqsatqa úndep keledi.
Memleket basshysy Qasym-Jomart Kemeluly Álemdik jáne dástúrli dinder kóshbasshylarynyń VIII seziniń ashylýynda: «Qazaq dalasynda álemdegi eń negizgi dinder men konfessııalardyń barlyǵy derlik taraǵan jáne bir-birimen jarasym tapqan. Biz qazirgi Qazaqstanda da osy ıgi dástúrdi saqtap, odan ári damytýǵa bar kúsh-jigerimizdi salamyz. Elimizdiń Etnosaralyq jáne dinaralyq kelisimdi nyǵaıtýda tájirıbesi mol. Qazaqstannyń Etnostyq ári dinı toleranttyq modeli “Birligimiz – áralýandyqta” qaǵıdatyna súıenedi», – dep atap ótken bolatyn», – dedi.
Sondaı-aq Qazaqstan musylmandary dinı basqarmasy halqymyz ǵasyrlar boıy ustanyp kele jatqan hanafı mázhaby men matýrıdı senim mektebin dáripteý jumysyn jalǵastyra beretinin, bul baǵyt sheteldegi otandastardyń rýhanı tutastyǵyn saqtaýda mańyzdy ekenin tilge tıek etti.
Kezdesý sońynda taraptar elshilik pen QMDB arasyndaǵy ózara úılesimdi jumysty odan ári jalǵastyrý sheteldegi qazaqstandyqtardyń ulttyq jáne rýhanı bolmysyn saqtaý isine oń yqpal etetinine senim bildirdi.
Источник: Aisha
