BAS MÚFTI AMERIKADAN KELGEN IMAMMEN SUHBATTASTY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Respýblıkalyq bas meshitte Álemdik jáne dástúrli dinder lıderleri sezi aıasynda AQSh-tan kelgen ımam, Órkenıetter almasýy jáne yntymaqtastyq qorynyń prezıdenti Muhammed Bashar Arafatty qabyldady.
Kezdesýde elordada ótken halyqaralyq basqosý dinder arasyndaǵy tatýlyqty saqtaý, úılesimdi baılanys ornatý úshin taptyrmas alań bolǵany aıtyldy.
Bas múftı Naýryzbaı qajy Taǵanuly qoǵamda tynyshtyq pen turaqtylyqty qamtamasyz etip, bir ustanymda bolý úshin saıası jáne dinı tulǵalardyń bir ústel basynda pikir almasyp turǵany óte mańyzdy ekenin atap ótti.Basqosý barysynda din kadrlaryn daıarlaý, dinaralyq dıplomatııany damytý máseleleri de sóz boldy.
Ekijaqty kezdesýden keıin taraptar dinı saladaǵy ortaq jobalardy júzege asyrýǵa ýaǵdalasty.
