Bas múftı Ankara qalasynda bilim alyp jatqan qazaqstandyq shákirttermen júzdesti (FOTO)
Búgin QMDB Tóraǵasy, Bas múftı Naýryzbaı qajy Taǵanuly Túrkııa Respýblıkasyna sapary barysynda Ankara qalasynda túrli mamandyq boıynsha bilim alyp jatqan qazaqstandyq stýdenttermen kezdesti.
Eń aldymen QMDB Dinı bilim jáne kadr daıarlaý bóliminiń meńgerýshisi Smaıyl Seıtbekov sharanyń mánine toqtalyp, shákirtterdi tanystyryp ótti. Rýhanı otyrysta sóz alǵan Bas múftı QMDB-nyń qazirgi jumys baǵyty, qoǵamdaǵy ózekti taqyryptar, jastardy alańdatqan saýaldar tóńireginde shákirttermen pikir almasty.
Budan bólek Naýryzbaı qajy Taǵanuly jastarǵa ıhsan iliminiń mańyzy jaıynda nasıhatyn jetkizdi.
Rýhanı keshtiń sońynda Bas múftı shákirtterge búgin ǵana taǵaıyndalǵan Dinı basqarmanyń Túrkııadaǵy ókili jáne «Talaba» stýdentter qaýymdastyǵynyń jetekshisi Jandos Aıtbaevty tanystyryp, oǵan shákirttermen tyǵyz baılanys ornatyp, qajet bolsa múftııat túrli baǵytta qoldaý kórsetýge daıar ekenin jetkizdi.
