Bas múftı Aqparat jáne qoǵamdyq damý mınıstrimen kezdesti (FOTO)
Elordada QMDB Tóraǵasy Naýryzbaı qajy Taǵanuly Aqparat jáne qoǵamdyq damý mınıstri Asqar Omarovpen kezdesti.
Kezdesý barysynda din isteri máseleleri men Qazaqstan musylmandary dinı basqarmasynyń qyzmetine qatysty ózekti máseleler talqylandy.
Bas múftı men mınıstr qoǵamdaǵy destrýktıvti dinı aǵymdardyń ıdeologııasyna qarsy is-qımyl boıynsha syndarly pikir almasty. Sondaı-aq, aqparat taratýdyń túrli arnalaryn, atap aıtqanda BAQ, áleýmettik jeli, messendjerler, kitaptar jáne t.b. quraldardy paıdalana otyryp, Dinı basqarmanyń aǵartý jumysynyń sapasyn jahandyq trendterge sáıkes jańa deńgeıge kóterý týraly da sóz boldy.
Mınıstr qańtardaǵy qaıǵyly oqıǵalar kezinde musylman qaýymǵa úndeý jasap, jurtty birlikke, beıbitshilikti saqtaýǵa shaqyrǵan azamattyq ustanymy úshin Bas múftıge zor alǵys bildirdi.
«Qazaqstan musylmandary dinı basqarmasy elimizdegi konfessııaaralyq kelisimdi nyǵaıtýǵa yqpal ete otyryp, udaıy halqymyzdy rýhanı qundylyqtar tóńiregine toptasýǵa úndep keledi», – dep atap ótti Acqar Omarov.
Óz kezeginde Bas múftı Naýryzbaı qajy Taǵanuly mınıstrliktiń Dinı basqarma jumysyna kórsetip otyrǵan qamqorlyǵyn erekshe atap, alǵysyn jetkizdi jáne Asqar Qýanyshulyna ózara tyǵyz yntymaqtastyq jalǵasa beretinin tilge tıek etti.
