Bas múftı Aqparat jáne qoǵammen baılanys bóliminiń jumys esebin tyńdady (FOTO)
Elordada Bas múftı Naýryzbaı qajy Taǵanulynyń tóraǵalyǵymen «Bólim saǵaty» jobasy boıynsha arnaıy jınalys ótti.
Basqosýda Aqparat jáne qoǵammen baılanys bóliminiń jumys esebi tyńdaldy.
Aldymen bólim qyzmetkerleriniń qańtar aıyndaǵy jumysy beınerolık túrinde nazarǵa usynyldy. Odan keıin Aqparat jáne qoǵammen baılanys bóliminiń meńgerýshisi Aǵabek Qonarbaıuly bólimniń 2022 jylǵa arnalǵan jumys jospary men aıtýly is-sharalar týraly baıandady. A.Qonarbaıuly aldaǵy ýaqytta QMDB janynan Bas redaktorlar alqasyn qurýǵa baǵyttalǵan jumystar júıeli túrde júzege asyp jatqanyn jetkizdi.
Basqosýda Aqparat jáne qoǵammen baılanys bólimi meńgerýshisiniń orynbasary Nurbek Esmaǵanbet te baıandama jasap, qoǵammen baılanys baǵyty boıynsha josparlanǵan jumystar týraly málimet berdi. N.Áýeshanuly aldaǵy ýaqytta QMDB janynan Dinı sarapshylar men Rýhanı qoǵamdyq keńes qurý baǵytynda oryndalyp jatqan ıgi jobalar jaıly Bas múftıdi habardar etti.
Óz kezeginde QMDB Tóraǵasy Naýryzbaı qajy Taǵanuly Dinı basqarma jumysyn nasıhattaýǵa súbeli úles qosyp kele jatqan aqparat salasynyń qyzmetkerlerine alǵys bildirip, osy baǵyttaǵy jumystardy jetildire berý qajet ekenin qaperge saldy.
