BAS MÚFTI AQSAQALDARMEN ORTAQ MÁSELELERDI TALQYLADY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Ulytaý oblysyna barǵan saparynda Jezqazǵan qalasynda aqsaqaldarmen júzdesip, ortaq máseleler boıynsha pikir alysty.
Kezdesýde jastardy jat dinı aǵymdardyń ıdeologııalyq yqpalynan saqtandyrý, qoǵamda din men dástúr sabaqtastyǵyn nasıhattaý, bata dástúrin jańǵyrtý, jamaǵat arasynda birlikti arttyrý t.b. máseleler talqylandy.
«Árbir ulttyń ózindik bolmysy, salt-sanasy bar. Qazaq halqynyń dástúrinde qalyń buqara men bıliktiń araqatynasyna kópir bolyp, qyzmetin atqarǵan aqsaqaldardyń orny erekshe. Halyq qarııasyna qarap boı túzeıdi. Aqsaqalyna qarap eli ósedi, kórgenderin boıyna túıedi. Qazaq qoǵamyndaǵy aqsaqaldar el ishinde oryn alǵan máselelerdi talqydan ótkizip, sheshim shyǵaryp nemese bir sheshimge kelip, daýlardy rettep otyrǵan. Sizderdiń de bizdiń ıgi isterimizge qosar úlesterińiz mol» dedi Naýryzbaı qajy Taǵanuly.
Kezdesýden keıin Bas múftı aqsaqaldarǵa «Ihsan – rýhanı tárbıe negizi» kitabyn syǵa tartty.
