BAS MÚFTI ARALDA QURAN JATTAÝ ORTALYǴYNYŃ AShYLÝYNA QATYSTY (FOTO)
Búgin Qyzylorda oblysynyń Aral qalasynda Quran jattaý ortalyǵy el ıgiligine berildi. Saltanatty rásim qasıetti Quran oqýmen ashylyp, duǵa jasaldy.
Igi is-sharaǵa Qazaqstan musylmandary dinı basqarmasynyń tóraǵasy Naýryzbaı qajy Taǵanuly qatysyp, musylman jamaǵatyn jańa ǵımarattyń ashylýymen quttyqtady.
Bas múftı: «Búgin, qasıetti juma kúni Aral aýdanynyń ortalyq meshit janyndaǵy Quran jattaý ortalyǵy el ıgiligine berilip otyr. Osy ortalyqtan ımandylyqqa uıyǵan jastar erteń-aq halyqqa qyzmet etip, dinimiz ben dástúrimizdiń keńinen dáriptelýine úles qosady degen senimdemin. Quran jattaǵan, ony kóńilge toqyǵan jas býyn ókili jaqsylyq jasaýǵa asyq bolady. Osy ortalyq shákirtterdi úlkendi qurmetteýge, dástúrdi qadirleýge, izgilikke baýlıtyn bolady. Quthanamyz qutty bolsyn, aǵaıyn» degen izgi nıetin jetkizdi.
Quran jattaý ortalyǵynyń ashylýyna qatysqan Aral aýdanynyń ákimi Serik Sermaǵambet pen óńirdiń qurmetti azamattary men zııaly qaýym ókilderi quttyqtaý sóz sóılep, ıgi tilekterin bildirdi.
Aıta ketsek, ortalyqta bir mezette 70 shákirt bilim alady. Olar dinı saýat ashýmen qatar mektep baǵdarlamasyn oqıdy. Ǵımaratta dárishana, jataqhana bar. Ortalyqtyń jalpy aýmaǵy – 400 sharshy metr. Bas múftı shákirtterge qasıetti Quran kitabyn syıǵa tartý etti.
